Азми бонки тиҷоратии «Агросоюз»
Душанбе, 19 апрел. (АМИТ «Ховар», Лутфия Эшонқулова). – Чанд рӯз пеш роҳбари Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия Асрор Одинаев дар шаҳри Маскав муовини раиси раёсати бонки тиҷоратии «Агросоюз» Аркадий Комягинскийро ба ҳузур пазируфт. Тавре аз Намояндагии Хадамоти муҳоҷирати назди Ҳукумати ҶТ дар ФР ба АМИТ «Ховар» хабар доданд, ҷонибҳо масъалаҳои ҳамкории марбут ба расонидани хидмати молиявӣ ва буду боши шаҳрвандони Тоҷикистон дар Федератсияи Русияро мавриди муҳокима қарор доданд.Бонки тиҷоратии «Агросоюз», иштироккунандаи фаъоли бозори байнибонкӣ буда, бо бонкҳои калонтарини кишварҳои аъзои ИДМ муносибатҳои шартномавӣ барқарор намудааст.