Ба шаҳри Турсунзода корҷӯӣ оед

Душанбе, 23 апрел.(АМИТ «Ховар» Зарина Саидова).- Агентии давлатии ҳифзи иҷтимоӣ, шуғли аҳолӣ ва муҳоҷират ба таваҷҷӯҳи шаҳрвандони корҷўй мерасонад, ки 27-уми апрели соли ҷорӣ соати 8.00 дар боғи фарҳангии шаҳри Турсунзода бо ибтикори раёсати Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон ярмаркаи ҷойҳои кории холӣ баргузор мешавад. Дар ярмарка зиёда аз 32 корхонаву муассиса иштирок намуда, 500 ҷойи кори холиро пешниҳод менамоянд, ки маоши онҳо аз 200 то 1380 сомонӣ мебошад. Ба касоне, ки ягон тахассус надоранд ва иштиёқманди омўхтани касбу ҳунаранд, ба онҳо барои омӯзиш дар курсҳои кўтоҳмуддати касбомўзӣ роҳхат дода мешавад. Ташкилоту корхонаҳое, ки бо Федератсияи Русия ва дигар давлатҳои хориҷӣ шартномаи корӣ доранд, низ метавонанд дар ярмарка ширкат варзанд.