Барномаи миллии тарзи ташаккули солим

Душанбе, 23 апрел. (АМИТ «Ховар», Лаззат Диловарзод).- «Соли сеюм аст, ки аз рӯи лоиҳаи «Дар бораи баланд бардоштани маърифатнокии аҳолӣ оид ба чорабиниҳои мубориза бар зидди вараҷа» фаъолият мебарем»,-иброз дошт директори Маркази ҷумҳуриявии ташаккули тарзи ҳаёти солим Гурез Азимов ба мухбири АМИТ «Ховар».Бино ба гуфти Г. Азимов, маркази мазкур соли 1999 таъсис ёфта аз соли 2000-ум дар сатҳи вилоят ва шаҳру ноҳияҳо сохторҳои худро таъсис додааст. Ҳоло маркази мазкур аз рӯи Барномаи миллии тарзи ҳаёти солим дар Ҷумҳурии Тоҷикистон барои солҳои 2011-2020 фаъолияти худро ба роҳ мондааст, ки мақсади он ташаккул додани тафаккури мардум оид ба тарзи ҳаёти солим мебошад.Бояд тазаккур дод, ки ҳамасола тибқи ин лоиҳа дар арафаи 25-уми апрел Рӯзи умумиҷаҳонии мубориза алайҳи вараҷа дар тамоми 15 шаҳру ноҳияҳои пилотӣ амалиёти махсуси намоишҳои театрикунонидашуда оид ба бемории вараҷа гузаронида мешавад.