Баррасии масоили муҳоҷирати меҳнатии Тоҷикистону Қатар

Душанбе, 27 апрел. (АМИТ «Ховар», Лутфия Эшонқулова).- Имрӯз, 27 апрел дар Душанбе ҷаласаи гурӯҳи корӣ бо иштироки намояндагони давлати Қатар ва вазорату идораҳои дахлдори ҷумҳурӣ баргузор гардид. Дар вохӯрии дуҷониба лоиҳаи «Созишномаи байни Ҳукумати Ҷумҳурии Тоҷикистон ва Ҳукумати давлати Қатар доир ба фаъолияти муваққатии муҳоҷирони меҳнатии шаҳрвандони Ҷумҳурии Тоҷикистон дар Қатар ва шаҳрвандони он кишвар дар Тоҷикистон» мавриди баррасӣ қарор гирифт.Ҷиҳати баррасии лоиҳаи Созишномаи мазкур дирӯз ҳайати баландпояи Давлати Қатар ба Ҷумҳурии Тоҷикистон ташриф овард.Дар созишнома ҳамаи ҷанбаҳо ва паҳлӯҳои масъалаи муҳоҷирати меҳнатии шаҳрвандони ҳарду ҷониб, аз ҷумла ҳифзи ҳуқуқ ва манфиатҳои муҳоҷирони меҳнатӣ, муташаккилона ва расман бо кор таъмин намудани онҳо, талаботи касбӣ, вазъи саломатии муҳоҷирони меҳнатӣ, донистани забони кишвари бо кортаъминкунанда пешбинӣ гардидааст. Тавре ки дар вохӯрии имрӯза зикр шуд, созишнома ба таҳкими ҳамкориҳои судманд дар бобати танзими раванди муҳоҷирати байни ду давлат мусоидат хоҳад кард.