Баррасии Паём дар Вазорати энергетика ва саноат

Апрель 27, 2012 16:52

Душанбе, 27 апрел. (АМИТ «Ховар», Дилшодаи Хайруллоҳ). Имрӯз дар Вазорати энергетика ва саноати Ҷумҳурии Тоҷикистон ҷаласаи васеи кормандони дастгоҳи марказӣ ва як қатор муассисаву корхонаҳои тобеи Вазорати энергетика ва саноати Ҷумҳурии Тоҷикистон доир ба баррасии Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон баргузор гардид.Дар ҷаласа зикр шуд, ки кормандони соҳа аз паёмҳои ҳарсолаи сарвари мамлакат рӯҳу илҳоми тоза гирифта, дар бахшҳои энергетика ва саноат ба истифода додани НБО-ҳои хурду калон, кушодани чандин корхонаҳои саноатӣ, ташкил гардидани садҳо ҷойи нави корӣ ба дастовардҳои назаррас ноил гардиданд. Ҳамчунин доир ба моҳият ва аҳамияти Паёми имсола, ки самтҳои асосии сиёсати дохиливу хориҷии мамлакат, инкишофи соҳаҳои иқтисодиёти ҷумҳурӣ, аз ҷумла соҳаҳои энергетика ва саноат, таъмини истиқлолияти энергетикӣ, ташкили маҷмааҳои саноатӣ ва сӯзишворию энергетикӣ, таъмини ноҳияҳои дурдасти кӯҳистон бо нерӯи барқ, ба кор андохтани нерӯгоҳҳои барқи обии хурду калон, зарурати тезонидани ҷараёни истифодаи технологияи муосир дар истеҳсолот, таъмини амнияти озуқаворӣ, зарурати навсозии истеҳсолот, тадриҷан даст кашидан аз тамоюли содироти ашёи хом ва истеҳсоли маҳсулоти ниҳоӣ, татбиқи саривақтии барномаҳои давлатии рушди соҳаҳои саноатро фаро гирифтааст, ибрози назар карда шуд.Тавре ки маълум аст, бо мақсади афзоиши иқтидорҳои истеҳсолӣ ва ташкили ҷойҳои нави корӣ, истеҳсоли маҳсулоти ниҳоӣ дар ҷумҳурӣ тадбирҳои зарурӣ андешида мешавад. Аз ҷумла, дар соли ҷорӣ бунёди 200 корхонаи саноатӣ ва соли 2013- 124 корхона дар назар дошта шудааст, ки дар натиҷа қариб 18 ҳазор нафар бо ҷои кор таъмин мешаванд.Кормандони соҳа дастуру супоришҳои Президенти Ҷумҳурии Тоҷикистон Эмомалӣ Раҳмонро, ки аз Паёми имсола бармеояд, ҳаматарафа ҷонибдорӣ намуда иброз доштанд, ки барои дар амал татбиқ намудани онҳо, аз ҷумла дар самти расидан ба истиқлолияти пурраи энергетикии ҷумҳурӣ, таъмини амнияти озуқаворӣ, ҳамчунин ташкили ҳарчи бештари ҷойҳои нави корӣ ҳамчун самтҳои муҳими сиёсати Ҳукумати Ҷумҳурии Тоҷикистон ва вазифаҳои асосии Вазорати энергетика ва саноат саъю талош варзида, саҳми арзандаи худро дар ин ҷода хоҳанд гузошт.

Апрель 27, 2012 16:52

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд