Барселона – Реал: рӯзи бозӣ дигар шуд

Душанбе, 11 апрел. ( АМИТ «Ховар», Аловиддин Бӯриев).- Вохӯрии дастаҳои футболи “Барселона” ва “Реал”, ки мебоист рӯзи 22 апрел дар варзишгоҳи “Ноу Камп” барпо мегардид, бо сабабҳои номаълум ба рӯзи 21 апрел монда шуд. Дар ин бора сомонаи клуби футболи “Барселона” хабар додааст. Бозии рӯзи 21 апрел сеюмин дидори ин дастаҳо дар мавсими ҷорӣ ба ҳисоб меравад. Дар вохӯрии нахустин барои Ҷоми олии Испания “Барселона” дар майдони худ бо натиҷаи 3 бар 2 пирӯз гардида, дар бозии ¼ ниҳоӣ бозиро мусовӣ анҷом дод ва ба вохӯрии ниманиҳоӣ роҳ ёфт. “Реал” ва “Барселона” барои ғолиб омадан дар чемпионати Испания муборизаро давом медиҳанд. Баъди 31 давр “Реал” бо 79 имтиёз дар зинаи аввал ва “Барселона” бо 75 имтиёз дар зинаи дуввум қарор доранд.