Бокс: Анвар Юнусов дар вазни худ аввал аст

 Душанбе, 25 апрел. ( АМИТ «Ховар», Аловиддин Бӯриев).- Боксчии маъруфи тоҷик Анвар Юнусов, дар раддабандии навини Созмони байналмилалии бокси ҳаваскорӣ (AIBA) дар вазни то 56 кг дар ҷойи аввал қарор дорад. Ӯ соли гузашта дар мусобиқаи ҷаҳонии бокс дар шаҳри Бокуи Озарбойҷон дар вазни то 56 кг соҳиби медали биринҷӣ гардида, роҳхати Бозиҳои олимпии Лондонро комёб гардид. Дар вазнҳои боқимонда ин боксчиён пешсафанд: Ен Хун Шин (Кореяи Ҷанубӣ) дар вазни то 49 кг, Миша Алоян (Русия) — то 52 кг, Яснел Толедо (Куба) — то 60 кг, Томас Ли Сталкер (Инглистон) – то 64 кг, Тарас Шелестюк (Украина) – то 69 кг, Евгений Хитров (Украина) – то 75 кг, Хулио Сезар Лакруз Пераза (Куба) – то 81 кг, Теймур Маммадов (Озарбойҷон) – то 91 кг ва Муҳаммадрасул Маҷидов (Озарбойҷон) дар вазни беш аз 91 кг.