Бокс: як ғалабаву як бохт

Душанбе, 11 апрел. ( АМИТ «Ховар», Аловиддин Бӯриев).- Дар идомаи бозиҳои интихобии Осиё барои роҳхат ба Бозиҳои олимпии Лондон доир ба бокс дирӯз Асрор Воҳидов дар вазни 49 кг ҳарифи худ Носир Ҳасанро аз Ҷумҳурии Исломии Эрон бо натиҷаи 13 бар 11 шикаст дода, ба даври дигар гузашт. Бино ба хабари сомонаи www.aiba.com “Асрор- беҳтарин боксчии навраси соли гузашта бар ҳарифи 19 солаи эронии худ бартарӣ дошт ва бо ҳунари олӣ ва зарбаҳои пайдарпаяш ҳарифро маҷбур мекард, ки ба хатоӣ роҳ диҳад”. Боксчии дигари мо Меҳроҷиддин Каримов дар вазни + 91 кг аз рақиби худ Зианг Зилей бо нишондоди 1 бар 15 пеш аз мӯҳлат мағлуб гардид.