Бунёди боғи зардолу ва токзор

Душанбе, 18 апрел. (АМИТ «Ховар», Ҳотам Рабиев).-Имсол дар хоҷагиҳои ноҳияҳои тобеи ҷумҳурӣ дар масоҳати 163,3 гектар токзор бунёд гардид. Аз ҷумла дар хоҷагиҳои шаҳри Турсунзода дар масоҳати 84 гектар ва дар ноҳияи Рӯдакӣ дар 26 гектар токзор бунёд шуд, ки нисбат ба дигар шаҳру ноҳияҳо нишондиҳандаи беҳтарин мебошад. Бо мақсади татбиқи Фармони Президенти Ҷумҳурии Тоҷикистон аз 27 августи соли 2009 «Дар бораи тадбирҳои иловагӣ доир ба рушди соҳаи боғу токпарварӣ дар Ҷумҳурии Тоҷикистон барои солҳои 2010-2014» соли ҷорӣ дар ҷумҳурӣ дар масоҳати 8497 гектар боғи зардолу ва токзор бунёд мегарданд.