Чӯҷаҳои «Раҳмонҷон»

Кӯлоб, 4 апрел. (АМИТ «Ховар», С.Холов). – Кооперативи истеҳсолии «Раҳмонҷон» — и ноҳияи Данғара дар баробари пахтакорию боғдорӣ соли сеюм аст, ки ба паррандапарварӣ машғул аст. Тӯли ин муддат саршумори паррандаҳо даҳ баробар афзуд. Дар кооператив намудҳои гуногуни паррандаҳои хонагӣ парвариш шуда, 20 нафар сокинон бо ҷои кори доимӣ таъминанд. Дар ферма сехи чӯҷабарорӣ фаъол гардида, дар он бо истифода аз таҷҳизоти муосири соҳавӣ ва ҷалби мутахассисони пуртаҷриба ҳазорон сар чӯҷа бароварда мешаванд.