Дар чор моҳ 155 ҳодисаи офати табиӣ

Душанбе, 30 апрел. (АМИТ «Ховар», Лаззат Диловарзод).- Бино ба маълумоти Кумитаи ҳолатҳои фавқулодда ва мудофиаи граждании назди Ҳукумати ҷумҳурӣ, дар се моҳи аввали соли 2012 дар шаҳру ноҳияҳои ҷумҳурӣ 155 ҳодисаи офати табиӣ ба қайд гирифта шудааст, ки дар натиҷа 53 манзили зист пурра хароб гардидааст.Тибқи маълумоти пешакӣ, ҳаҷми маблағи зарари офати табиӣ беш аз 2 млн. 324 ҳазор сомониро ташкил додааст.Ба иттилои маркази матбуоти кумитаи мазкур, дар рӯзҳои боронӣ бар асари фаромадани сел даҳҳо километр роҳҳои автомобилгард, манзили зисти шаҳрвандон, замини кишт, шумораи зиёди чорво, шабакаҳои таъминоти об, беш аз 20 кӯпрук ва даҳҳо қитъаҳои замини наздиҳавлигии сокинони ҷумҳурӣ осеб дидааст.Дар айни замон корҳои барқароркунӣ дар тамоми мавзеъҳои зарардида идома доранд.