Дар натиҷаи садама 4 нафар дар дарё ғарқ шуд

Душанбе, 21 апрел. (АМИТ «Ховар», Лутфия Эшонқулова).-Рӯзи 20 апрел ронандаи мошини тамғаи «ВАЗ-21099» Фахриддин Раҳмонов, сокини шахри Душанбе ҳангоми ҳаракат дар шоҳроҳи Душанбе-Чаноқ бехатарии воситаи нақлиётро риоя накарда, ба тарафи рости роҳ ба дохили дарёи Варзоб чаппа шудааст, ки дар натиҷа худи ронанда ва мусофири ӯ Наим Мӯъминов, соли таваллудаш 1988, сокини шаҳри Душанбе ҷароҳати ҷисмонӣ бардоштаанд. Дигар мусофирони мошин Давлатова Марҷона Баҳруллоевна, соли таваллудаш 1988, Мӯъминова Азиза Расуловна, соли таваллудаш 1994, Мӯъминова Шоҳбону Раҷабовна, соли таваллудаш 1995 ва Мӯъминова Миҷгона Наимовна, соли таваллудаш 2010, сокинони шаҳри Душанбе ба дарё афтида, ғарқ шудаанд. Барои дарёфти ҷасадҳо корҳои ҷустуҷуӣ идома доранд. Дар ин бора ба АМИТ «Ховар» аз маркази матбуоти Вазорати корҳои дохилии ҶТ хабар доданд.