Дар Русия боз се шаҳрванди Тоҷикистон ҳалок гардид

Душанбе, 16 апрел. (АМИТ «Ховар», Лутфия Эшонқулова – Бар асари сӯхтор дар шаҳри Санкт — Петербурги Федератсияи Русия се нафар шаҳрвандони Тоҷикистон ҳалок гардиданд.Мувофиқи хабари маркази матбуоти намояндагии Хадамоти муҳоҷирати назди Ҳукумати ҶТ, бар асари сӯхторе, ки 10 апрел дар ҳудуди ноҳияи Ломоносови шаҳри Санкт – Петербург рух дод, сокини ноҳияи Конибодом Муҳаббат Аъзамова, духтараш Таҳмина ва писари яксолааш Рамазон ҳалок гардиданд.Назар ба маълумоти расмӣ, сӯхтор бар асари иллати манқали барқӣ ё вайрон кардани қоидаҳои бехатарии истифодаи нерӯи барқ рух додаст.Мақомоти ҳифзи ҳуқуқи Сарраёсати корҳои дохилии шаҳри Санкт — Петербург аз рӯи ин ҳодиса тафтишот мегузаронанд.