Даромади пулии аҳолии ҶТ 45,1% афзуд

Душанбе, 23 апрел. (АМИТ «Ховар», Покиза Маҳмадбекова). – Мувофиқи маълумоти пешакӣ, тайи моҳҳои январ ва феврали соли равон даромади пулии аҳолии Тоҷикистон беш аз 3 миллиарду 200 миллион сомониро ташкил дод, ки нисбат ба ҳамин давраи соли 2011 аз рӯи нархҳои аслӣ баробари 45,1 фоиз зиёд аст.Назар ба маълумоти Агентии омори назди Президенти ҶТ, хароҷоти пулӣ ва пасандози аҳолӣ дар давраи зикршуда беш аз 3 миллиарду 500 миллион сомониро ташкил дод.Музди миёнаи номиналии ҳармоҳаи кормандони иҷоравӣ моҳи феврали соли 2012 – ум 533 сомониро ташкил дода ва нисбат ба ҳамин давраи соли гузашта 26,5 фоиз афзуд.Президенти Ҷумҳурии Тоҷикистон Эмомалӣ Раҳмон зимни паёмаш ба парлумони кишвар 20 апрел зикр намуд, ки аз 1 сентябри соли ҷорӣ музди ҳадди ақали аҳолӣ 2,5 баробар зиёд гардида, ҳаҷми он аз 80 ба 200 сомонӣ расонида мешавад.