Дастовардҳои хонандагон дар корҳои эҷодӣ

Суғд, 10 апрел. (АМИТ «Ховар», Мирзалӣ Амонов).-Дар литсей-интернати муштараки тоҷикию турки шаҳри Хуҷанд намоиши анъанавии илмию эҷодии хонандагону омӯзгорон баргузор гардид, ки дар он қариб 500 корҳои эҷодӣ, лоиҳа ва барномаҳо пешниҳод шуд. Хонандагон дар лоиҳаю барномаҳо, моделҳои эҷодии хеш ба доираи васеи мавз=от аз фанҳои дақиқ, ҳаёти инсон, табиату ҷамъият, одобу ахлоқ ва масъалаҳои гуногун зиндагӣ даст заданд. Лоиҳаҳои сохтмони иншооти таъиноти гуногун ва бунёди шаҳраку маҳалли зист, ки хонандагон эҷод кардаанд, бо дарназардошти ҳамаи меъёрҳову талаботи сохтмон ва истиқомати аҳолӣ, хеле ҷолиб аст. Бо ин хонандагон истеъдоду тахаюли эҷодии хешро нишон доданд. Ҳар як лоиҳа, барнома ва модели хонандагон маънӣ, моҳият ва услуби ба худ хос дошт.