«Дастрасӣ ба иттилоот»-ҷамъомади ҳуқуқӣ

Душанбе, 24 апрел. (АМИТ «Ховар», Фирўза Давлатова)- 27 апрел дар бинои мақомоти Ваколатдори ҳуқуқи инсон барои кормандони ваколатдори ҳуқуқи инсон, мақомоти давлатӣ ва ҷомеаи шаҳрвандӣ дар мавзўи «Дастрасӣ ба иттилоот» мизи мудаввар баргузор мегардад. Дар кори он намояндагони мақомот ва сохторҳои гуногуни давлатӣ иштирок намуда, мавзўъҳои дастрасӣ ба иттилоот дар ҶТ, мушкилот ва ва пешомадҳо, таҷрибаи мусбат дар дастрасӣ ба иттилоот, се масъалаи асосии ҳуқуқ ба дастрасии иттилоот тибқи қонунгузории ҶТ, такмили қонунгузории дастрасӣ ба иттилоот ва озодии сухан, дахлнопазирӣ ба ҳаёти шахсӣ ва дастрасӣ ба иттилоот, ҳаёти шахсӣ ва дастрасӣ ба иттилоот- таҷрибаи кишварҳои хориҷӣ, нақши Ваколатдори ҳуқуқи инсон дар пешбурди дастрасии ҷомеа ба иттилоот доир ба ҳуқуқи инсон мавриди таҳлилу баррасӣ қарор мегиранд.