Даъват ба ҳамкорӣ
Душанбе, 23 апрел. (АМИТ «Ховар», Покиза Маҳмадбекова). — Бо қарори раёсати Бонки миллии Тоҷикистон аз 10 феврали соли 2012 “Қоидаҳои муқаррар намудани талаботи тахассусӣ ба барҳамдиҳанда, мудири махсуси ташкилоти қарзӣ ва тартиби гирифтани шаҳодатномаи Бонки миллии Тоҷикистон” таҳия шуда, дар Вазорати адлияи Ҷумҳурии Тоҷикистон 14 феврали соли 2012 тасдиқ шудааст. Аз рӯи иттилои Бонки миллии Тоҷикистон бо назардошти қабули қоидаҳои мазкур хоҳишмандон метавонанд барои гирифтани Шаҳодатномаи мудири махсус ва ё барҳамдиҳанда бо ариза ба Бонки миллии Тоҷикистон муроҷиат намоянд. Ба диққати хонандагон расонида мешавад, ки қоидаҳои мазкур дар сомонаи бонк дар зербанди “Санадҳои меъёрии ҳуқуқии БМТ”, боби “Заминаи меъёрии ҳуқуқӣ” ҷойгир карда шудааст.