Фаъолияти 175 иншоот боздошта шуд
Хуҷанд, 9 апрел. (АМИТ «Ховар», Мирзалӣ Амонов).- Ҷамъбасти семоҳаи соли 2012-и Маркази назорати давлатии санитарию эпидемологии вилояти Суғд нишон дод, ки дар миқёси вилоят 15320 адад иншоот ба қайд гирифта шудааст. Аз ин иншооти зериназоратӣ интихобан дар 3869- тои он аз тарафи мутахассисони марказ дар шаҳру ноҳияҳои вилояти Суғд санҷишҳои санитарии ҷорӣ гузаронида шуда, камбудиҳои ҷойдошта ошкор шуданд. «Дар бораи таъмини амнияти санитарию эпидемиологии аҳолӣ» дар самти ҳолати санитарии муассисаҳои зери назоратӣ 502 адад санад тартиб дода шуда, ҷамъ ба маблағи 48870 сомонӣ ҷарима шуданд. Инчунин фаъолияти 175 иншоот муваққатан то бартараф намудани камбудиҳо боздошта шуд. 16 адад мавод барои чораандешӣ ба мақомоти ҳифзи ҳуқуқ пешниҳод гардид.