FIFA: болоравии Тоҷикистон дар таснифоти футболи ҷаҳон
Душанбе, 12 апрел. ( АМИТ «Ховар», Аловиддин Бӯриев).- Дар раддабандии нави Федератсияи байналмилалии футбол Тоҷикистон 14 зина боло рафт ва кунун дар зинаи 131 –ум мавқеъ дорад. Сабаби боло рафтани мақоми дастаи мунтахаби Тоҷикистон дар ин раддабандии дастаҳои футболи ҷаҳон, ширкат дар бозиҳои Ҷоми даъвати Конфедератсияи футболи Осиё маънидод мешавад, ки дар натиҷа дастаи Тоҷикистон соҳиби 45 имтиёз гардид. Миёни дастаҳои қораи Осиё дастаи мунтахаби Тоҷикистон як зина боло рафта, аз мақоми 19-ум ба 18-ум гузашт. Испания ҳанӯз дар зинаи аввали дастаҳои футболи ҷаҳон қарор дошта, Олмон аз Ҳоланд пеш гузашт ва дар мақоми дуввум ҷойгузин шуд. Афсунгарони футбол, дастаи мунтахаби Бразил як зина поён рафта, зинаи 6-умро касб кардаанд.Дастаҳои миллии кишварҳои собиқи Шӯравӣ дар феҳристи навин ба таври зайл мавқеъ доранд: 11. Русия (дар ҷойи 12-ум буд). 47. Арманистон (44). 49. Украина (49). 53. Эстония (47). 69. Узбакистон (67). 68. Беларус (69). 74. Латвия (78). 89. Литва (91). 95. Гурҷистон (74). 110. Озарбойҷон (116). 131. Тоҷикистон (145). 137. Қазоқистон (142). 142. Молдова (143). 142.Туркманистон (166). 195. Қирғизистон (192). Рӯзи 9-май таснифоти нави FIFA ба нашр хоҳад расид.