Фоизи миёнавазни қарзҳо паст мешавад

Апрель 30, 2012 15:07

Душанбе, 30 апрел. (АМИТ «Ховар», Покиза Маҳмадбекова). — Бақияи қарзҳо то охири семоҳаи аввали соли равон нисбат ба ҳамин давраи соли гузашта 7,4 фоиз афзуд.  Тавре ки дар сӯҳбат ба мухбири АМИТ «Ховар» роҳбари Хадамоти матбуоти дастгоҳи роҳбарияти Бонки миллии Тоҷикистон Абдуғаффор Қурбонов иттилоъ дод, нишондиҳандаи мазкур то санаи 1 апрели соли равон бо пули миллӣ 1 млрд. 825 млн. сомонӣ ва бо асъори хориҷӣ 2 млрд. 511,8 млн. сомониро ташкил дод. Аз рӯи иттилоъи манбаъ, фоизи миёнавазни қарзҳо дар моҳҳои январ-марти соли ҷорӣ бо пули миллӣ ба 24,26 фоиз ва бо асъори хориҷӣ ба 19,89 фоизи солона баробар шуд, ки нисбат ба ҳамин давраи соли гузашта 2,9 банди фоизӣ паст мебошад. Ҳаҷми қарзҳои хурд бинобар талаботи зиёд ба он дар ин давра зиёд шуд ва нисбат ба ҳамин давраи соли қаблӣ 31,3 фоиз афзуд. Аз ҷумла 140,2 млн. сомонӣ қарзҳои хурд ба ноҳияҳои дурдасти кӯҳистон дода шудааст, ки нисбат ба ҳамин давраи соли гузашта 21,6 фоиз зиёд мебошад. Бояд гуфт, ки дарёфт ва ҷалби маблағҳои озод, пешниҳоди саривақтии қарзҳо аз ҷониби ташкилотҳои қарзӣ ба соҳибкории хурду миёна ва табақаҳои гуногуни ҷомеа дар рушди бахши корхонаҳои истеҳсолии ватанӣ ва баланд бардоштани сатҳи зиндагии мардум нақши муассир дорад.

Апрель 30, 2012 15:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд