Форуми донишҷӯёни тоҷикистонӣ дар Харков
Душанбе, 10 апрел. (АМИТ «Ховар»).-Аз 27 то 29-уми апрели соли ҷорӣ дар шаҳри Харкови Украина форуми донишҷӯёни тоҷикистонӣ баргузор мегардад. Дар ин форум аз тамоми шаҳрҳои Украина ҷавонон, махсусан донишҷӯёни тоҷикистонӣ ҷамъ омада, масъалаҳои мухталифи хешро баррасӣ менамоянд. Дар форум кормандони Сафорати ҶТ дар Украина, намояндагони Вазорати маорифи Украинаю Тоҷикистон, олимону донишмандон ва устодон ширкат менамоянд. Бори аввал аст, ки дар хориҷи кишвар форуми донишҷӯёни тоҷикистонӣ баргузор мегардад.