Футбол миёни бонкҳо
Суғд, 12 апрел. (АМИТ «Ховар», М.Амонов). – 9 – уми апрел бо ташаббуси Бонки давлатии амонатгузории Ҷумҳурии Тоҷикистон «Амонатбонк» дар вилояти Суғд сабқати футболи хурди байни бонкҳо оғоз ёфт. Дар рӯзи ифтитоҳи сабқат байни дастаҳои филиали Бонки миллии Тоҷикистон дар шаҳри Хуҷанд бо «Тоҷпромбонк» ва «Амонатбонк» бо «Тоҷиксодиротбонк» вохӯрӣ сурат гирифт.Дар вохӯриҳо Бонки миллӣ бо ҳисоби 12 бар сифр ва «Амонатбонк» бо ҳисоби 6 бар 2 бар рақибони худ дастболо шуданд.Сабқат 24 – уми апрел натиҷагирӣ мешавад.