Гурӯҳи кории Ҳукумати ҷумҳурӣ дар Бадахшон
Хоруғ, 16 апрел. (АМИТ «Ховар», Л.Додо ). – Бо супориши Ҳукумати ҷумҳурӣ гурӯҳи корӣ бо мақсади муайян намудани ҳаҷми зарари боришоти зиёди барфу борон, фуромадани селу тарма ва тунбод дар моҳи март ва аввали моҳи апрел дар шаҳру ноҳияҳои вилоят дар шаҳри Хоруғ қарор дорад.Ба гурӯҳи мазкур муовини вазири нақлиёт ва коммуникатсияи ҷумҳурӣ Худоёр Худоёров, муовини вазири мелиоратсия ва хоҷагии об Анвар Зоҳиров, коршиноси Саридораи геологияи ҷумҳурӣ Раҳимҷон Ҷӯраев ва муовини раиси Кумитаи ҳолатҳои фавқулодда ва мудофиаи шаҳрвандии назди Ҳукумати Ҷумҳурии Тоҷикистон Рустам Шоев, инчунин роҳбарону коршиносони идораю муассисаҳои марбутаи вилоят шомиланд.Гурӯҳи корӣ ҳолату вазъи роҳҳо, иншгоотҳои обёрӣ, барқу алоқа, маориф ва биноҳои истиқоматиро, ки бар асари офати табиӣ хароб гардида ё зарар дидаанд, ба таври дақиқ омӯхта, ҳаҷми умумии хисоротро муайян ва ба Ҳукумати ҷумҳурӣ пешниҳод мекунад.Мувофиқи маълумоти пешакии Ситоди ҳолатҳои фавқулодда ва мудофиаи шаҳрвандии вилоят, ҳаҷми умумии зарари офати табиӣ ба хоҷагии халқ ва аҳолии вилоят беш аз 10 миллион сомониро ташкил медиҳад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






