Гурӯҳи навбатии нашъаҷаллобон дастгир шуд
Душанбе, 16 апрел. (АМИТ «Ховар», Лутфия Эшонқулова). – Дар Тоҷикистон гурӯҳи муташаккили навбатии нашъҷаллобон дастгир шуд. Тавре аз маркази матбуоти ВКД ҶТ ба АМИТ «Ховар» хабар доданд, кормандони мақомоти корҳои дохилӣ дар ҳудуди кӯчаи Камоли Хуҷандии шаҳри Душанбе амалиёти махсусро роҳандозӣ намуда, дар натиҷаи он аз мошини сокини 23 – солаи пойтахт беш аз 67 килограмм маводи нашъаоварро мусодира карданд.Мувофиқи суханони манбаъ, алҳол аз рӯи ин ҳодиса тафтишот гузаронида мешавад.