Густариши ҳамкориҳои дуҷониба
Душанбе, 19 апрел. (АМИТ «Ховар», Покиза Маҳмадбекова). — Имрӯз дар Душанбе вазири рушди иқтисод ва савдои ҷумҳурӣ Шариф Раҳимзода бо ҳайати Комиссияи Олии Созмони Милали Муттаҳид таҳти роҳбарии ёвари Дабири кулли СММ Луис Гомес Эчеверри вохӯрӣ намуд. Аз хадамоти матбуоти вазорати мазкур ба мухбири АМИТ «Ховар» иттилоъ доданд, ки дар рафти мулоқот Ш.Раҳимзода барои дастгирӣ ва ҳамкориҳои судманд дар соҳаҳои мухталифи иқтисоди миллӣ ба ҳайати Комиссияи Олии Созмони Милали Муттаҳид изҳори миннатдорӣ намуд. Ҳамчунин ҷонибҳо дар рафти мулоқот баҳри рушди соҳаҳои иқтисод ва тиҷорат, энергетика, бахши хусусӣ ва татбиқи ҳуҷҷатҳои стратегии кишвар мубодилаи афкор намуданд.