Густариши ҳамкориҳои Тоҷикистону Олмон
Душанбе, 5 апрел. (АМИТ «Ховар», Дилшодаи Хайруллоҳ).- Имрӯз дар Вазорати энергетика ва саноати Ҷумҳурии Тоҷикистон вохӯрии Вазири энергетика ва саноати ҷумҳурӣ Гул Шералӣ бо роҳбари Раёсати Агентии энергетикии «Дена»-и Олмон ҷаноби Штефан Коллер баргузор гардид. Дар вохӯрӣ масъалаҳои ҳамкориҳо вобаста ба ҷараёни корҳо дар самти бахшҳои мухталифи энергетикӣ мавриди баррасӣ қарор дода шуд. Зимни сӯҳбат Штефан Коллер қайд кард, ки мулоқоти соҳибкорони олмонӣ бо Президенти Ҷумҳурии Тоҷикистон ва имзои Ёддошти тафоҳум бо Вазорати энергетика ва саноати Ҷумҳурии Тоҷикистон имкон медиҳад, ки ҷиҳати ҷалби бештари ширкатҳои олмонӣ ба соҳаи энергетикии Тоҷикистон тадриҷан заминаҳои мусоид фароҳам оварда шаванд ва фаъолияти самараноки онҳо дар татбиқи лоиҳаи ин соҳаи муҳими иқтисодиёти Тоҷикистон таъмин гардад. Аз ин дидгоҳ, ӯ таъкид намуд, ки ширкатҳои энергетикии Олмон алоқаманданд, ки Агентии энергетикии Олмон дар барқарор намудани робитаҳои мустақими корӣ бо вазорату муассисаҳои марбутаи Тоҷикистон ва иштироки онҳо дар татбиқи муштараки лоиҳаҳои энергетикӣ иқдоми заруриро роҳандозӣ кунад. Ҷонибҳо аз натиҷаи ҳамкорӣ изҳори қаноатмандӣ намуда, ҳамчунин иброз доштанд, ки ҳамкориҳои дуҷониба дар бахшҳои зикргардида минбаъд густариш хоҳанд ёфт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
