Х.Зарифӣ бо М.Енча сӯҳбат анҷом дод

Душанбе, 16 апрел. (АМИТ «Ховар»,).- 13 апрели соли 2012 сӯҳбати телефонии Вазири корҳои хориҷӣ Ҳамрохон Зарифӣ бо Намояндаи Дабири кулли СММ, Раҳбари маркази СММ доир ба дипломатияи пешгирикунанда дар Осиёи Марказӣ Мирослав Енча бо дархости ахирӣ баргузор гардид. Дар ҷараёни сӯҳбат масъалаҳои густариши ҳамкориҳо миёни Ҷумҳурии Тоҷикистон ва маркази минтақавӣ мавриди баррасӣ қарор гирифтанд. Инчунин роҷеъ ба мавзӯъҳои пешгирии муноқишаҳо ва ҳамгироии минтақавӣ дар соҳаҳои нақлиёт, коммуникатсия, энергетика, манбаъҳои обӣ ва дигар масъалаҳо мубодилаи афкор сурат гирифт.