«Хандаи тифлон зи нури ваҳдат аст»
Душанбе, 10 апрел. (АМИТ «Ховар», Раъно Нусратуллоева).- 9 апрел дар Театри давлатии ҷавонони Тоҷикистон ба номи М. Воҳидов чорабиниҳои ҷамъбастии фестивали ҷумҳуриявии «Ҳафтаи китоби кӯдакону наврасони Тоҷикистон» доир гардиданд. Дар долону толори театр аз рӯи барномаи «Ваҳдат — рамзи саодати миллат» бахшида ба 15-солагии ҷашни Ваҳдати миллӣ намоиши дастранҷи кӯдакону наврасон, намоиш ва фурӯши китобу рӯзнома ва маҷаллаҳои тозанашр, сӯҳбати наврасон бо адибон баргузор гардид. Хонандагони Мактаби бачагонаи санъати ноҳияҳои тобеи марказ барномаи консертии «Гулу гулдастаҳои як чаманем»-ро пешкаши тамошобинон намуданд. Ҳамчунин композитсияи адабии «Ваҳдат- рамзи саодати миллат» ва барномаи гулчини консертии фестивал — «Хандаи тифлон зи нури ваҳдат аст» ба намоиш гузошта шуд. Иштироккунандагон ва созмондиҳандагони фаъоли фестивал бо тӯҳфаҳо сарфароз гардиданд.
Дар ин бора ба хабарнигори АМИТ «Ховар» сармутахассиси маркази матбуоти Вазорати фарҳанг Раҳматулло Раҳматуллоев хабар дод.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
