«Хуҷанд»- пешсафи чемпионати ҷумҳурӣ

Душанбе, 23 апрел. ( АМИТ «Ховар», Аловиддин Бӯриев).- Баъди дидорҳои даври сеюми мусобиқоти футболи мамлакат байни дастаҳои лигаи олӣ «Хуҷанд»-и Хуҷанд ба зинаи аввали ҷадвали мусобиқот роҳ ёфт. Футболбозони ин даста дар меҳмонӣ тими «Парвоз»-ро бо натиҷаи 3 бар 2 шикаст доданд. Дар ин давр ҳамчунин «Зарафшон»-и Панҷакент «Гвардия»-ро дар майдонаш бо ҳисоби 0 бар 3 ноком кард ва «Вахш» ССКА «Помир»-ро бо ҳамин натиҷа дар майдон ба шикаст рӯ ба рӯ намуд. Дастаҳои мизбон «Энергетик» ва «Хайр» бар меҳмонони худ «Истаравшан» ва «Ҳосилот» бо натиҷаи 3 бар 2 ва 2 бар 1 пирӯз шуданд. Ҳамин тавр, баъди се давр «Хуҷанд» ва «Хайр» дар зинаи аввал бо 7 имтиёзӣ қарор доранд.