Иҷлосия дар Академияи илмҳои ҶТ

Душанбе, 30 апрел. (АМИТ «Ховар», Людмила Дубинина). – 4 май дар Академияи илмҳои ҶТ иҷлосияи Шӯрои ҳамоҳангсозии корҳои тадқиқоти илмӣ дар бахши илмҳои табиатшиносӣ, техникӣ, тиббӣ, гуманитарӣ ва ҷамъиятии Ҷумҳурии Тоҷикистон баргузор мегардад. Дар иҷлосия ҳисобот перомуни фаъолияти Шӯрои ҳамоҳангсозии корҳои тадқиқоти илмӣ дар давраи аз моҳи майи соли 2011 то моҳи апрели соли 2012, ҷараёни татбиқи технологияҳои муҳимтарин дар соҳаи биология шунида мешавад. Дар кори иҷлосияи Шӯро роҳбарони муассисаҳои илмӣ ва донишкадаҳои олии кишвар иштирок мекунанд. Мувофиқи суханони котиби илмии Шӯрои ҳамоҳангсозии корҳои тадқиқоти илмӣ Раъно Бухоризода, дар давраи ҳисобот дар Ҷумҳурии Тоҷикистон 359 лоиҳаи Шӯрои ҳамоҳангсозии корҳои тадқиқоти илмӣ иҷро гардиданд. Дар кори иҷлосия ҳамчунин раиси Шӯро, президенти Академияи илмҳои ҶТ, академик Маҳмадшо Илолов иштирок менамояд.