Иловапулӣ ба нафақа

Апрель 20, 2012 14:00

Душанбе, 20 апрел.(АМИТ «Ховар», Марзия Саидова).- Ба нафақаи моҳонаи иштирокчиён ва маъюбони Ҷанги Бузурги Ватании солҳои 1941-1945 дар шаҳри Душанбе 150 сомонӣ илова карда мешавад. Дар ин хусус дар иҷлосияи нӯҳуми Маҷлиси вакилони халқи шаҳри Душанбе, ки 19 апрел таҳти раёсати раиси Маҷлиси вакилони халқи шаҳри Душанбе Маҳмадсаид Убайдуллоев баргузор шуд, қарор қабул гардид. Назар ба иттилои Шавкат Саидов, котиби матбуотии раиси шаҳри Душанбе дар иҷлосия ба масоили рушди бахши иҷтимоӣ дахл карда шуда, зикр гардид, ки солҳои 2012-2014 дар пойтахт ҷиҳати коҳиш додани афзоиши шумораи муҳоҷирони меҳнатӣ, ташкили ҷойҳои кории нав «Соли дастгирии соҳибкорӣ ва таъсиси ҷойҳои нави корӣ» эълон шудааст. Аз ин рӯ, барои пешгирии субъектҳои соҳибкорӣ аз ҳар гуна санҷишҳои ғайриқонунӣ Комиссияи босалоҳияти Маҷлиси вакилони халқи шаҳри Душанбе баҳри баррасии муроҷиати соҳибкорон доир ба мудохилаву санҷишҳое, ки қонунгузорӣ пешбинӣ накардааст, аммо аз ҷониби сохторҳои масъули назорати давлатӣ гузаронида мешаванд, таъсис дода шавад. Дар ин хусус бо ҳамкории Маркази дастгирӣ ва рушди соҳибкории шаҳри Душанбе бобати дастрасӣ ба маслиҳатҳои ҳуқуқӣ ба соҳибкорон дар заминаи сомонаи интернетии www.mometavonem.tj бахши махсуси хизматрасонӣ ташкил карда шавад. Ҳамзамон ҷиҳати мусоидат ба татбиқи дастоварду ихтирооти соҳаи илми ватанӣ дар истеҳсолот ва роҳандозии онҳо дар заминаи корхонаҳои саноатии шаҳр ё худ зимни ташкили корхонаҳои нав муқаррар гашт, ки ҳайати олимон – вакилони Маҷлиси вакилони халқи шаҳри Душанбе аз дастовардҳои илмии дар ҳаёт татбиқгаштаи худ соле як маротиба ба Маҷлиси вакилони халқи шаҳри Душанбе ҳисобот диҳанд.

Апрель 20, 2012 14:00

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд