Имзои созишномаи қарзӣ

Суғд, 4 апрел. (АМИТ «Ховар», М.Амонов). – Ташкилоти қарзии хурди «Имон Интернейшнл» калонтарин ташкилоти қарзии ҷумҳурӣ маҳсуб ёфта, дар 39 манотиқи кишвар фаъолият мебарад. Шумораи умумии мизоҷони он 46 ҳазор нафар буда, 37 фоизи онҳоро бонувон ташкил медиҳанд. «Имон Интернейшнл» ҷиҳати дастгирии соҳаи кишоварзӣ ва рушди соҳибкории хурду миёна бо Корпоратсияи байналхалқии молиявӣ — аъзои гурӯҳи Бонки ҷаҳонӣ созишномаи қарзии навбатиро имзо намуд. Созишномаи қарзии навбатӣ бо асъори миллии Тоҷикистон буда, аввалин лоиҳаи қарзии Корпоратсияи байналхалқии молиявӣ бо асъори миллӣ мебошад. Маблағи умумии қарз 24 миллион сомонӣ (5 миллион доллари ИМА)-ро ташкил медиҳад ва ба мӯҳлати 5 сол пешниҳод шудааст.