Искандари Рустам:роҳхат ба Бозиҳои олимпӣ
Душанбе, 3 апрел. ( АМИТ «Ховар», Аловиддин Бӯриев).- Дар чемпионати Осиё доир ба гӯштини тарзи озод ба Искандари Рустам муяссар шуд, ки дар вазни то 96 килограмм соҳиби роҳхат ба Бозиҳои олимпӣ гардад. Ин ягона дастоварди назарраси паҳлавонони тоҷик дар соири ин рақобатҳо буд. Рустам дар вохӯрии ниҳоӣ аз паҳлавони Ӯзбекистон Қурбон Қурбонов шаҳди мағлубият чашида, соҳиби медали нуқра гардид. Дар мусобиқа инчунин Николай Ноев (55 кг), Фарҳоди Усмонзода (60 кг), Зелимхон Юсуфов (66 кг, Азамат Сӯфиев (74 кг), Юсуф Абдусаломов (84 кг) ва Эраҷ Холов (120 кг) иштирок доштанд Паҳлавони номии мамлакат Юсуф Абдусаломов , барандаи медали нуқраи Олимпиадаи Пекин-2008 дар мусобиқаи интихобии осиёӣ дар Остона баъди ду пирӯзӣ дар даври нимниҳоӣ аз гӯштингири эронӣ Лашкари Эҳсон мағлуб шуда, рақобатҳояшро дар ин мусобиқа ба поён расонд. Гӯштингирони фарангии кишвар дар ҳайати Манучеҳр Аллаев (84 кг), Ҳабибулло Абдуллоев (96 кг) ва Муродҷон Тӯйчиев (120 кг) ба комёбӣ муваффақ нашуданд.Искандар панҷумин варзишгари тоҷик аст, ки соҳиби роҳхат ба бозиҳои 30-юми тобистонаи олимпӣ дар Лондон гардидааст. Аз ин пеш гурзандоз Дилшод Назаров, муштзан Анвар Юнусов, таэквандочиён Алишер Гулов ва Фарҳод Неъматов роҳхатҳои олимпиро ба даст оварданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
