Истеҳсоли картошка зиёд мешавад

Душанбе, 12 апрел. (АМИТ «Ховар», ЛаззатДиловарзод).- Тибқи маълумоти фаврии Раёсати кишоварзии вазорати мазкур, дурнамои кишти картошка дар соли 2012 дар масоҳати 22 ҳазору 316 гектар ва кишти сабзавот дар 23 ҳазору 440 гектар пешбинӣ шудааст.То 10 –уми апрели соли ҷорӣ дар майдони се ҳазору 502 гектар картошка ва дар масоҳати 12 ҳазору 233 гектар сабзавот кишт карда шудааст. Дар ин муддат ҳамчунин дар 331 гектар карам, дар 1 ҳазору 782 гектар сабзӣ ва дар 8 ҳазору 607 гектар пиёзи барвақтӣ коштанд.Бо супориши Сарвари давлат дар соли ҷорӣ нақшаи васеъ кардани заминҳои кишти картошка дар ноҳияҳои Рашт, Тоҷикобод,Ҷиргатол ва Тавилдара ба миён гузошта шуда, барои ба даст овардани 1 млн. тонна картошка дастур дода шудааст. Дар айни замон ноҳияҳои зикршуда барои васеъ кардани замини кишти картошка корро оғоз кардаанд.