“Истиқлол” соҳиби Ҷоми олӣ

Душанбе, 6 апрел. ( АМИТ «Ховар», Аловиддин Бӯриев).- Маротибаи сеюм футболбозони дастаи “Истиқлол”-и Душанбе соҳиби Ҷоми олии футболи Тоҷикистон шуданд. Дар дидори рӯзи 4 апрел дар варзишгоҳи шаҳри Ваҳдат бозингарони ин даста бар клуби “Регар- ТадАЗ” бо натиҷаи 2 бар 1 пирӯз шуданд. Голҳоро Юсуф Рабиев дар дақиқаи 35-ум ва Иброҳим Рабимов дар дақиқаи 84-ум аз дастаи “Истиқлол” ва Баҳодур Шарифов дар дақиқаи 87-ум аз ҷазои 11 метра аз клуби “Регар-ТадАЗ” ба ҳадаф расониданд.