Кӯмаки башардӯстонаи Русия ба Тоҷикистон

Душанбе, 4 апрел. (АМИТ «Ховар», Пайрав Назаров). – Мувофиқи паймони байни Президенти Ҷумҳурии Тоҷикистон Эмомалӣ Раҳмон ва Раиси Ҳукумати Федератсияи Русия Владимир Путин дар ҷараёни гуфтугӯи телефонӣ 30 марти соли 2012 барои рафъи оқибати шароити номусоиди обу ҳавои Тоҷикистон дар фасли зимистон 3 апрели соли 2012 миқдори аввали кӯмаки башардӯстонаи ҷониби Русия ба шаҳри Душанбе оварда шуд.4 ва 5 апрели соли ҷорӣ тавассути ду ҳавопаймои Вазорати ҳолатҳои фавқулоддаи Русия миқдори боқимондаи кӯмаки башардӯстона ба ҷумҳурӣ оварда мешавад. Феҳристи кӯмаки башардӯстона иборат аз хаймаҳо, асбобҳои гармидиҳӣ, нерӯгоҳҳои сайёри барқӣ ва амволи дигари зарурӣ мебошад, ки онҳо ба минтақаҳои аз офати табиӣ зарард идаи Тоҷикистон фиристода мешаванд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.