Кадом даста беҳтар аст?

Душанбе, 3 апрел. ( АМИТ «Ховар», Аловиддин Бӯриев).- Имрӯз бозиҳои ҷавобии Лигаи чемпионҳои Аврупо бо ширкати дастаҳои “Барселона ва “Милан” дар “Ноу Камп” ва “Бавария” бо “Марсел” дар “Аллянс Арена” баргузор мешаванд. Агар “Бавария” барои гузаштан ба марҳилаи дигар вазифаи душвор надошта бошад( ғалаба бар “Марсел” дар сафар бо натиҷаи 2:0), пас дар вохӯрии сангини “Барселона ва “Милан” (0:0) ҳар ду дастаи тавонои Аврупо имконияти баробар доранд. Дастгирии мухлисони “Барселона” метавонад ба футболбозонаш рӯҳу тавони тоза бахшида, барои ҳамлаҳои пайдарпай замина ба вуҷуд орад. “Милан” ҳам бо як ҳамлаи ҷавобии натиҷадор метавонад ин вохӯриро ба нафъи худ анҷом диҳад. Пас ба саволи кадом даста беҳтар аст, имрӯз мо ҷавоб хоҳем гирифт.