Канал вайрон шуд

Хоруғ, 27 апрел. (АМИТ «Ховар», Л.Додо ). – Дар деҳаи Кӯлеви ҷамоати деҳоти Тавдеми ноҳияи Роштқалъа бар асари канда шудани кӯҳпора қисмати зиёди канали обгузари Додихудоев вайрону валангор гашта, ба таъмири ҷиддӣ ниёз дорад. Саргаҳи ин канали обгузар аз секилометраи маркази вилоят, аз деҳаи Шод оғоз гардида, ба воситаи он заминҳои наздиҳавлигии сокинони маҳаллаҳои Андарситез, Абдураҳмони Ҷомӣ, заводи нон ва боз чанд маҳаллаи дигар шодоб мегарданд.Сардори Раёсати истеҳсолии таъмиру истифодаи оби вилоят Баҳодур Сулаймонов ин офати табииро ҳодисаи даҳшатовар арзёбӣ намуд, зеро дар сурати тӯл кашидани таъмири канал боғоту замини сокинони маркази ВМКБ нобуд мегарданд.