Китоби нав перомуни ҷиҳозонидани синфҳо

Душанбе, 3 апрел. (АМИТ «Ховар», Ҳотам Рабиев).- Олимони Пажӯҳишгоҳи рушди маорифи Академияи таҳсилоти Тоҷикистон баҳри таъмини муаллимон бо дастурҳои методӣ ва дигар китобҳои зарурӣ барои омӯзгорон саҳми арзанда доранд. Ба наздикӣ китоби Бозор Боронов бо номи «Ҷиҳозонидани синфхонаҳо ва ҳуҷраҳои методии мактабҳои таҳсилоти умумӣ» дар нашриёти «Сифат» ба табъ расид. Мавҷудияти синфхонаҳо ва кабинетҳои илмию методӣ дар ҳар мактаб барои пешбурди таълиму тарбияи донишомӯзон кӯмаки беандоза мерасонад. Дар китоб намунаи ҷиҳозонидани синфхонаҳо ва ҳуҷраҳои методии мактабҳои таҳсилоти умумӣ оварда шудааст.