Комёбии самбочиёни тоҷик
Душанбе, 3 апрел. (АМИТ «Ховар», Лутфия Эшонқулова). – Чанде пеш дар шаҳри Маскав ба ифтихори 105 – солагии асосгузори гӯштини тарзи самбои низомӣ Анатолий Харлампиев мусобиқоти ХУП ҷаҳон аз рӯи ин намуди варзиш баргузор гардид, ки дар он варзишгарони 13 кишвари ҷаҳон, аз ҷумла самбочиёни Тоҷикистон иштирок доштанд.Тавре аз хадамоти матбуоти Намояндагии Хадамоти муҳоҷирати назди Ҳукумати ҶТ дар Федератсияи Русия ба АМИТ «Ховар» хабар доданд, дар ин мусобиқот гӯштингири Тоҷикистон дар вазни то 68 килограмм Шоҳин Сафаров ҷойи дуюмро ишғол намуд. Гӯштингири дигари тоҷик Сафар Маҳмадрасулов дар вазни 90 килограмм низ соҳиби медали нуқра гардид. Ғолибонро раиси кумитаи тадорукотии мусобиқот, узви Шӯрои Федератсияи Маҷлиси Федералии Федератсияи Русия Асламбек Аслахонов мукофотонид.Сипас муовини роҳбари Намояндагии Хадамоти муҳоҷирати назди Ҳукумати ҶТ дар ФР Саид Бойев варзишгаронро муборакбод намуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
