Конфронс дар мавзӯи амнияти сарҳадот
Душанбе, 19 апрел. (АМИТ «Ховар», Лутфия Эшонқулова). – Дар ҳошияи барномаи мадад ба идораи сарҳадоти Осиёи Марказӣ 16 – 17 апрел дар шаҳри Венаи Австрия Конфронси даҳуми вазоратӣ таҳти унвони «Ибтикорот ба хотири амнияти сарҳадоти Осиёи Марказӣ» баргузор гардид. Мақсад аз конфронс муайян намудани муносибати комплексию устувор ба идораи сарҳадоти Осиёи Марказӣ барои беҳдошти амнияти сарҳадӣ, тиҷорат ва рушди иқтисодӣ буд. Конфронс бо ибтикори Вазорати федералии корҳои дохилии Австрия ва дастгирии Иттиҳоди Аврупо, Раёсати СММ оид ба маводи нашъаовар ва ҷинояткорӣ ва Барномаи рушди Созмони Миллали Муттаҳид доир гардид.Тавре аз Агентии назорати маводи нашъаовари ҷумҳурӣ ба АМИТ «Ховар» хабар доданд, дар ҷараёни конфронс масъалаҳои гардиши ғайриқонунии маводи нашъаовар ва муҳоҷирати ғайриқонунӣ дар Осиёи Марказӣ, танзими байнидавлатии фаъолият аз рӯи масъалаҳои идораи сарҳадот ва ғайра мавриди муҳокима қарор гирифтанд.Дар кори конфронс директори иҷроияи Раёсати СММ оид ба маводи нашъаовар ва ҷинояткорӣ Юрий Федотов ва намояндагони дигари баландпояи давлатҳои аъзои САҲА иштирок доштанд. Ҳайати Тоҷикистонро вазири корҳои дохилии ҶТ Рамазон Раҳимов, сардори хадамоти гумруки назди Ҳукумати ҶТ Гурез Зарифов, муовини аввали директори Агенти назорати маводи нашъаовар Вайсиддин Азаматов ва намояндаи Кумитаи давлатии амнияти миллии ҷумҳурӣ намояндагӣ намуданд.
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
