Корхонаи «Тиллои сафед – Ф» фаъол гашт

Кӯлоб, 18 апрел. (АМИТ «Ховар», Ф.Мадаминов). – Соли гузашта дар ҷамоати деҳоти «Кӯлоб» корхонаи нави истеҳсоли пахта -«Тиллои сафед – Ф» ба кор даромад. Дар корхона дар айни замон 23 нафар коргар фаъолият дорад. Корхона бо таҷҳизоти нави замонавӣ таҷҳизонида шуда ва бо 88 хоҷагии деҳқонӣ барои қабул ва коркарди маҳсулот шартнома бастааст. Корхона иқтидор дорад, ки дар як шабонарӯз то 90 тонна пахтаро коркард намояд. Музди миёнаи маоши коргарон аз 380 то 400 сомониро ташкил медиҳад.