Коршиноси Русия дар Тоҷикистон

Душанбе, 4 апрел. (АМИТ «Ховар», Лутфия Эшонқулова). – Бо даъвати Созмони байналмилалӣ оид ба муҳоҷират дар Тоҷикистон коршиноси мустақил Галина Маштакова аз Федератсияи Русия ба Тоҷикистон омад. Дар ин бора аз маркази матбуоти Хадамоти муҳоҷирати Тоҷикистон ба АМИТ «Ховар» хабар доданд. Галина Маштакова дар ҷараёни дидораш аз Тоҷикистон зарурати хадамоти муҳоҷиратро таҳлилу арзёбӣ менамояд. Мавсуф бо ин мақсад 3 апрел бо сардори Хадамоти муҳоҷирати назди Ҳукумати ҶТ Сафиалло Девонаев мулоқот анҷом дод.Мувофиқи суханони манбаъ, коршиноси Русия бо роҳбарони ҳамаи шӯъбаҳо, ҳамчунин раёсатҳои хадамоти муҳоҷират дар шаҳри Душанбе, ноҳияҳои тобеи ҷумҳурӣ, ВМКБ ва вилоятҳои Хатлону Суғд вохӯрданист. Натиҷаи арзёбӣ барои ҷалби захираҳои хориҷию дохилӣ ба манзури рушди минбаъдаи сохтори навтаъсис манзури Хадамоти муҳоҷирати назди Ҳукумати ҶТ, ҳамчунин ҷамъияти мададгор карда мешавад.