Курси таълимӣ

Душанбе, 19 апрел. (АМИТ «Ховар», Кристина Эрлих). – Бо ибтикори Агентии оид ба амнияти ядроию радиатсионии Академияи илмҳои Ҷумҳурии Тоҷикистон аз 23 то 27 апрел дар шаҳри Душанбе курси таълимии минтақавии кормандони хадамоти сарҳадот ва гумруки Тоҷикистону Афғонистон дар мавзӯи «Усулҳои пайдо намудани манбаъҳои радиоактивӣ дар сарҳад» роҳандозӣ мешавад. Тавре аз Агентии мазкур ба АМИТ «Ховар» хабар доданд, дар ҷараёни курси таълимии минтақавӣ аз рӯи чунин мавзӯъҳо, монанди хавфи гардиши ғайриқонунии маводи ядроӣ ва маводи дигари радиоактивӣ, заминаи қонунгузорӣ барои амнияти физикии ядроӣ, хусусияти маводи ядроию радиоактивӣ, гардиши ғайриқонунии маводи ядроию радиоактивӣ, асбобҳои ташхиси гардиши ғайриқонунии маводи ядроӣ ва радиоактивӣ машғулиятҳо гузаронида мешаванд.