Маъракаи ниҳолшинонӣ
Хоруғ, 5 апрел. (АМИТ «Ховар», Л.Додо ). – Маъракаи ниҳолшинонӣ дар қаламрави Вилояти Мухтори Кӯҳистони Бадахшон оғоз ёфт. Ҳоло дар поёноби дарёи Панҷ беш аз 14 ҳазор адад ниҳол шинонида шудааст, ки 2 ҳазор адади он ниҳолҳои мевадоранд. Ғайр аз ин дар гармхонаҳои ноҳияҳои Дарвоз, Рӯшон, Ванҷ ва шаҳри Хоруғ гул парвариш карда мешавад. Масалан, танҳо дар маҳаллаи Теми шаҳри Хоруғ дар масоҳаи 32 метри мураббаъ гул кошта шудааст.