Маркази нави интернетӣ
Рашт, 18 апрел. (АМИТ «Ховар», Мирзосафар Ризвонов).-Бо дастгирии молиявии сафорати давлати Амрико дар Тоҷикистон дар шаҳраки Ғарми ноҳияи Рашт маркази интернетӣ кушода шуд. Дар ифтитоҳи марказ сафири ИМА дар Тоҷикистон Кен Гросс, намояндагони мақомоти ҳокимияти давлатии ноҳия ва дигар шахсони масъул ширкат варзиданд. Дар сӯҳбат бо хабарнигорон сафир афзуд, ки марказ аз тарафи ташкилоти ғайридавлатии «Маърифатнокӣ» дар ноҳия роҳандозӣ шудааст ва аз ин шабакаи ҷаҳонӣ кулли муштариён метавонанд бо тариқи ройгон истифода баранд. Марказ бо 8 адад компютер ҷиҳозонида шуда, ҳамарӯза дар хизмати мизоҷон қарор дорад.