Машварат дар ҳузури раиси вилоят

Апрель 24, 2012 14:48

Хоруғ, 24 апрел. (АМИТ «Ховар», Л.Додо ). – Дар машварате, ки бо иштироки роҳбарони воҳидҳои сохтории мақомоти маҳаллии ҳокимияти давлатии ноҳияи Шуғнон, раисони ҷамоатҳои деҳот, директорони мактабҳо ва фаъолони дигар доир гардид, раиси вилоят Қодири Қосим дар мавриди амалӣ намудани дастуру супоришҳои Президенти кишвар Эмомалӣ Раҳмон, вазифаҳои аз Паёми Сарвари давлат ба Маҷлиси Олии Ҷумҳурии Тоҷикистон бамиёномада, пиёда намудани барномаи рушди иқтисодию иҷтимоӣ, вусъати корҳои ободонӣ, иҷрои қарорҳои Ҳукумати ҷумҳурӣ ва раиси вилоят оид ба рушду равнақи ҳамаи ҷабҳаҳо сухан кард.Зикр гардид, ки дар семоҳаи аввали соли равон дар рушди иқтисодиёту иҷтимоиёт, вусъати корҳои ободонӣ, таъмини амнияти озуқаворӣ ва истиқлолияти энергетикии ноҳияи Шуғнон натиҷаҳои назаррас ба даст омадаанд. Ҳамзамон даромади буҷаи ноҳия 12,7 фоизро ташкил медиҳад, ки ин барои як ноҳияи вилоят кифоят намекунад.Саҳми соҳибкорон дар ғанӣ гардонидани буҷаи ноҳия назаррас набуда, ҷараёни андозбандии онҳо дақиқ нест. Бинобар ин беҳбудии ин масъала аз мутасаддиён ташаббусу масъулияти баландро тақозо мекунад.Вазъи саноат дар ноҳияи Шуғнон низ беҳбудии ҷиддиро тақозо дорад, зеро ноҳия дар ин бахш захираҳои зиёдеро дорост. Имрӯз ягона корхонаи ноҳия — коргоҳи коркарди санги мавзеи Поршнев ҳам қариб фаъолият надорад. Ба гуфтаи раиси вилоят, истифодаи оқилонаи замин дар ноҳия ҷавобгӯи талабот набуда, самараи замини хоҷагиҳои ноҳия кам аст.Дар ҷараёни машварат барои ҷилавгирии нуқсонҳои зикршуда ба мутасаддиёни соҳа супоришҳои мушаххас дода шуданд.

Апрель 24, 2012 14:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд