Машварати минтақавӣ баҳри дастгирии Шартномаи Роттердам

Душанбе, 13 апрел. (АМИТ «Ховар», Назир Назиров). – 12 апрел дар шаҳри Душанбе машварати минтақавӣ баҳри дастгирии тасдиқи Шартномаи Роттердам дар бораи тартиби мувофиқаи саривақтии иттилоотӣ дар мавриди ба фурӯш баровардани моддаҳои хавфноки кимиёвӣ ба кораш шурӯъ намуд. Раиси Кумитаи ҳифзи муҳити зисти назди Ҳукумати ҶТ Талбак Салимов зикр намуд, ки Шартномаи Роттердам олати аз нигоҳи ҳуқуқӣ ӯҳдадоркунандаи байналмилалӣ буда, мақсад аз он ҳифзи тандурустии инсон ва муҳити зист мебошад. Шартнома соли 2004 ба мавқеи иҷро расида, ҳоло 146 аъзо дорад.Машварати минтақавӣ то 14 апрел давом мекунад.