Маскани тарбияи омӯзгорон
Ҳисор, 3 апрел. (АМИТ «Ховар», Ҳотам Рабиев).-Омӯзишгоҳи омӯзгории ноҳияи Ҳисор дар таъмини мактабҳои ҷумҳурӣ бо муаллимони варзида саҳми босазо дорад. Омӯзишгоҳ соли 1964 таъсис ёфта ва ҳоло дар он зиёда аз 200 нафар толибилм таҳсил намуда, худро ҳамаҷониба ба таълиму тарбияи насли наврас тайёр менамоянд.Дар омӯзишгоҳ 33 нафар омӯзгори варзида ба таълими донишҷӯён машғуланд. Муаллимони омӯзишгоҳ ба эҷодкорӣ диққати махсус медиҳанд. Аз ҷумла онҳо соли равон шаш дастури таълимию методӣ таҳия намуданд.Тибқи нақшаи кулл бахшида ба 3- ҳазорсолагии тамаддуни Ҳисор омӯзишгоҳи омӯзгории ноҳия бо бинои нави ҳозиразамон ва хобгоҳ таъмин хоҳад шуд.