Мавсими нави футбол

Душанбе, 3 апрел. ( АМИТ «Ховар», Аловиддин Бӯриев).- Даври аввали мусобиқоти футболи кишвар байни дастаҳои лигаи олӣ рӯзи 7 апрел бо дидорҳои “Хайр” ва “Истаравшан”, “Энергетик” бо “Хуҷанд” ва “Шодмон бо ССКА “Помир” шурӯъ мегардад. Рӯзи 8 апрел “Истиқлол” бо “Ҳосилот”, “Гвардия” бо“Регар ТадАЗ”, “Парвоз” бо “Вахш” ва “Равшан” бо “Зарафшон” вориди майдон мешаванд. Оғози бозиҳо соати 16.00 пешбинӣ шудааст. Тавре ки аён аст, дар чемпионати имсола 14 даста аз гӯшаву канори мамлакат ширкат меварзад ва умед аст, ки вохӯриҳо ҷолиб сурат гиранд.